Maık Taıson týraly 7 qyzyqty derek

1. Boksqa qalaı keldi?

Ataqty boksshy kásibı mansabyn Muhammed Álımen ótken kezdesýden keıin bastaıdy. Maık Taıson túrmede jatqan kezinde balalarǵa durys baǵyt-baǵdar berý úshin arnaıy áıgili sportshymen kezdesý ótedi. Sol kezdesýden alǵan áserinen keıin Taıson óziniń sharshy alań úshin jaralǵan jan ekenin sezinedi.

Onyń rıngte kórsetken ónerleri óte keremet. 51 jekpe-jek ótkizip, sonyń 24-in birinshi raýndta nokaýtpen aıaqtady. Tipti bir jekpe-jeginde alǵashqy 91 sekýndy úshin 20 mıllıon AQSh dollaryn alǵan. Ol kezde Maıkl Spınksti nokaýtqa túsirgen edi.

2. Qarsylasyn nokaýtqa jiberý úshin 8 sekýnd jetkilikti boldy.

Maıktyń erekshe este qalǵan shaıqastarynyń biri - jasóspirimder arasynda ótken alǵashqy Olımpıadadasy. Ol 1982 jyly ótken bolatyn. Sol judyryqtasýynda Taısonǵa qarsylasyn nokaýtqa jiberýi úshin nebary 8 sekýnd qana jetkilikti boldy. Sonymen qatar ol 11 jasynda 100 kılogramm salmaqty quraıtyn ziltemirdi kóteretin qara kúshke ıe bolǵan. Ol qazirgi tańdaǵy aýyr atletıkamen aınalysatyn sportshylarǵa da úlken kórsetkish bolyp esepteledi.

3. Jas jeńimpaz.

Odan keıingi jetistigi - Taısonnyń kásibı rıngte eń jas chempıon atanýy. Ol 20 jasynda barlyq boks tarıhynda eń jas chempıon atansa, 21 jasqa tolǵanda kúlli álemdi moıyndatqan sózsiz jeńimpaz boldy. Al bala kezinde Maık ózin renjitetin balalarǵa qarsylyq ta kórsete almaıtyn bolǵan.

4. Eń qysqa jekpe-jegi.

Kásibı deńgeıdegi jekpe-jektiń birinde Maık sharshy alańda otyz-aq sekýnd óner kórsetti. Bul kezdesý 1986 jyly ótti. Onda Maık Taıson tanymal Djo Freızerdiń uly Marvıs Freızerdi nokaýtqa túsirdi. Ol óziniń qarsylasyna múldem múmkindik bermeı, bir buryshqa qysyp, oń qolymen ıek astynan joǵary qaraı baǵyttalǵan (apperkot) soqqy jumsap, artynsha taǵy birneshe joıqyn soqqylar jasap úlgerdi. Mundaı shabýylǵa shydamaǵan Freızer birden nokaýtqa qulady.

5. Ustaz jolyn jalǵastyrýshy.

Túrmede jatqan kezde Toıson ózi pir tutqan Muhammed Álı sekildi ıslam dinin qabyldaıdy. Onyń ıslamdaǵy aty - Málik Abdýl Azız. Alaıda sportshynyń bul atyn kóbi bile bermeıdi. Óıtkeni ony bári Maık Taıson dep tanıdy. Oǵan qaramastan ol 2010 jyly Mekkege qajylyq óteýge baryp, sondaǵy meshittiń salynýyna 250 myń dollar aqsha aýdardy. Jalpy Maık ómirde óte aqkóńil adam.

6. Onyń tumary - tatýırovkalary.

Taıson óziniń eń senimdi tumarym dep tatýırovkalaryn aıtady. Olar kásibı boksshy da az emes. Birinshisi - sol jaq bileginde ornalasqan. Onda onyń ekinshi áıeli beınelengen. Al oń jaq ıyǵynda amerıkandyq tennısshi Artýr Esh tursa, sol jaq bileginde aıdahardyń sýreti salynǵan. Sonymen qatar sportshy jaýyrynyna Mao Dze Dýnniń, al tómengi qabyrǵasyna Che Gevaranyń beınesin saldyrtqan.

7. Taısonnyń úsh áıeli.

Boksshy osy kúnge deıin úsh ret nekesin qıdyryp úlgerdi. Birinshi jary pleıbol jýrnalyna jalańash sýretke túsip, Amerıkalǵa aty shyqqan - Robın Gıvens. Ol 1995 jyly Empire Magazine jasaǵan reıtıngte álemniń eń tartymdy 100 áıeliniń biri bolǵan. Biraq bul juptyń mahabbatt hıkaıalary uzaqqa barmaı, bir jyldan keıin ajyrasty. Odan keıin Maık Monıka Terner degen bala dárigerin tańdady. Sportshy onymen bes jyl birge boldy. Al úshinshi áıeli - Latıha Spaıser. Ol qazir onymen olar baqytty da, baıandy ǵumyr keship jatyr, dep jazady massaget.kz.