Maık Taıson Reseı Jazýshylar odaǵynyń múshesi bolady
ASTANA. QazAqparat - Áıgili amerıkalyq boksshy Maık Taıson 27 qazanda Reseıdiń Jazýshylar odaǵynyń múshesi bolady. Bul týraly TASS-qa promoýter Vladımır Hrıýnov habarlady.
27 qazan kúni Máskeýde «Taıson. Aıaýsyz shyndyq» kitabynyń tanystyrylymy ótedi. «Maıkqa syrttaı Reseı Jazýshylar odaǵyna múshe degen bılet tapsyrylady», - dep habarlady Hrıýnov.
Taısonnyń ózi qarashada Máskeýge barady, onda ol boks keshiniń qonaǵy bolady. Oǵan burynǵy álem chempıony reseılik Rýslan Provodnıkov qatysady.
Aıta keteıik, Taıson eń jyldam nokaýttardyń sanynyń kóptigi men aýyr salmaqtaǵy álemniń eń jas chempıony atanǵany úshin Gınnestiń rekordtar kitabynyń sertıfıkatyn eki ret alǵan. Amerıkalyq bir emes, birneshe ret «Jyl boksshysy» dep tanyldy jáne ol atalǵan sport túrindegi salmaq dárejesine qaramastan, bokstyń eń úzdik ókilderiniń biri bolyp sanalady.
90 jyldardyń sońynda ol ózin restlıngte baıqap kórdi.
1992-1995 jyldary Taıson adam zorlaǵany úshin úsh jyl túrmede otyrdy. 1997 jyly rıngtegi judyryqtasý kezinde ol Evander Holıfıldtiń qulaǵyn tistep aldy. 2005 jyly Maık Taıson kásibı sporttan ketti.
