«Maık Taıson meshitte namaz oqydy» - respýblıkalyq basylymdarǵa sholý
ASTANA. Maýsymnyń 30-y. QazAqparat - Qazaq aqparat agenttigi respýblıkalyq basylymdarda maýsymnyń 30-y, sársenbi kúni shyqqan ózekti materıaldarǵa sholýdy usynady.
***
Keshe Beıbitshilik jáne kelisim saraıynda EQYU-nyń Tózimdilik jáne kemsitýshilikke qarsylyq taqyryby boıynsha joǵary deńgeıdegi konferentsııasy boldy. Onyń jumysyna Elbasy Nursultan Nazarbaev qatysyp, quttyqtaý sóz sóıledi. Atalǵan taqyrypty arqaý etken maqala «Egemen Qazaqstan» basylymynyń búgingi sanynda «Tózimdilik - órkenıettiń órindegi qasıet» degen taqyryppen berilipti. «Konferentsııa jumysyn EQYU-nyń Іs basyndaǵy tóraǵasy, Memlekettik hatshy-Syrtqy ister mınıstri Qanat Saýdabaev ashyp, júrgizip otyrdy. Ol óziniń sózinde Qazaqstannyń uıym elderi sheńberindegi belsendi isterin aıtyp ótti. Sonyń ishinde álemdegi beıbitshilik pen turaqtylyqty saqtaýǵa arnalǵan bastamalaryn, Álemdik jáne dástúrli dinder kóshbasshylary sezderin ótkizgenin, 29 tamyzdy ıAdrolyq qarýdan búkilálemdik bas tartý kúni etip jarııalaýǵa, 2010 jyldy Mádenıetter jaqyndastyǵy jyly dep ataýǵa qol jetkizgenin aıtty. Búgingi konferentsııa da Qazaqstannyń álemdegi beıbitshilikti saqtaý jolyndaǵy sol belsendi áreketteriniń qatarynda dep bilińizder, dedi ol. Budan keıin sóz Prezıdent Nursultan Nazarbaevqa berildi»,- deıdi basylym.
Osy taqyryptaǵy maqalany «Aıqyn», «Alash aınasy» gazetteriniń búgingi sanynan da oqýǵa bolady.
Kórnekti qalamger Táken Álimqulovtyń «El men Jer» romany qoljazbasynyń tolyq nusqasy tabyldy. Bul týraly tolyǵyraq «Egemen Qazaqstan» gazetiniń búgingi sanynda jaryq kórgen «Tákeń jumbaqtary» atty maqaladan oqı alasyzdar.
Nemis ádebıetiniń beldi ókili, novella janrynyń sheberi, aqyn, dramatýrg V. Borhert adamzatqa fashızm ákelgen aýyr zardapty ótkir áshkerelegen gýmanıst-jazýshy. Bıylǵy Germanııanyń Qazaqstandaǵy jylyna oraı «Egemen Qazaqstan» gazetiniń búgingi sany qalamgerdiń «Soǵys sýretteri» degen taqyrypqa toptasqan birneshe áńgimelerin belgili jazýshy Shárbaný Beısenovanyń aýdarýymen oqyrman nazaryna usynypty.
Sondaı-aq atalǵan basylymnyń búgingi sanynda Qazaqstan musylmandary dinı basqarmasynyń tóraǵasy, Bas múftı Ábsattar qajy Derbisáliniń «Minajat» atty maqalasy jaryq kóripti. Maqalada 2004 jyly Elbasynyń Saýd Arabııasyna barǵan saparynyń rýhanı qundylyqtary týraly sóz bolady.
***
Bir kezderi bar álemdi aýzyna qaratyp, kásipqoı bokstan júlde ataýlynyń bárin utqan Maık Taıson elordamyzdaǵy «Nur Astana» meshitine namaz oqýǵa keldi. Bul týraly tolyǵyraq «Aıqyn» basylymynyń búgingi sanynda jaryq kórgen «Maık Taıson meshitte namaz oqydy» atty maqaladan oqı alasyzdar. «Ádettegideı BAQ-ty shýlatyp, elden erek is-áreket jasap júrgen M.Taıson bul joly óte salmaqty kúıde, shyn musylmanǵa tán minez-qulyq tanyta bildi»,- dep jazdy basylym.
«Tórtkúl dúnıeni dúbirletken kıno merekesi - «Astana» ekshn-fılmder kınofestıvali bastaldy. «Aty dardaı, zaty qandaı» degen jurtshylyq kınofestıvaldiń ashylý saltanatyn asyǵa tosqan syńaıly. Qyzyl kilemniń ústindegi sherýdi shydamsyzdana kútkenderdiń qolyndaǵy fotoapparattardyń syrtyly sonyń dáleli»,-dep jazǵan «Aıqyn» gazetindegi kelesi maqala «Astana» ekshn-fılmder kınofestıvalin arqaý etken. Qyzyl kilemdegi sherýdiń qyzyǵyn tolyǵyraq atalmysh basylymdaǵy «Kıno merekesi - Astanada» atty maqaladan oqyńyzdar.
Qazaqtyń túpsiz kúı muhıtyna sońǵy jyldary Qytaı qazaqtarynyń kúı muralary qosylyp, halqymyzdyń asyl murasy arnasyn burynǵydan da keńeıtti. «Aıqyn» gazetiniń búgingi sanynda jaryq kórgen «Shyǵystyń shyraıly kúıleri» atty maqala Altaı, Tarbaǵataı, Іle aımaqtarynda ótken ǵasyrlarda ómir súrgen altyn barmaq kúıshiler jaıynda jáne Shyǵystaǵy osy dástúrli kúı mektebin jalǵastyryp júrgen búgingi dáýlesker kúıshilerdiń biri - Muqash Tańǵytuly týraly sóz qozǵapty.
***
Búginde básekelestik baǵyndyrmaǵan beles qalmady. «Alash aınasy» gazetiniń búgingi sanynda jaryq kórgen «At ornyna - avtokólik, kórimdik ornyna - depozıt» atty maqala qoǵamdaǵy osy keleńsizdikti ortaǵa salypty. «Qazaqtyń betashary da, qyz uzatýy da, quda shaqyrýy da, aqyr aıaǵy shildehana jasaýy da - qyp-qyzyl báseke. Shamasy kelsin-kelmesin qaryzdanyp, qaýǵalanyp toı jasaıdy. Tipti nesıe alyp, kelin túsirip jatqandar da bar. Básekeniń barmaǵan jeri básire me dep júr edik. Endi oǵan da kezek kelgen syńaıly»,- dep jazdy basylym.
«Saıası betburys baqyt ákele me?» Osy taqyryppen jaryq kórgen «Alash aınasy» gazetindegi kelesi maqala Qyrǵyzstandaǵy saıası jaǵdaıǵa nazar aýdarypty. «Qyrǵyz eli aımaqtaǵy tuńǵysh parlamenttik elge aınaldy. Qyrǵyz eli kúshti parlament, álsiz prezıdenttik júıege óz tańdaýyn jasap otyr. Keshe Qyrǵyz ortalyq saılaý komıssııasynyń tóraǵasy Aqylbek Sarıev Qyrǵyzstan azamattarynyń basym bóliginiń eldi parlamenttik basqarý júıesine jeteleıtin jańa konstıtýtsııany qoldap, daýys bergenin málimdedi»,- deıdi basylym.
Sondaı-aq «Alash aınasy» gazetiniń dástúrli "dat!" aıdarynda Ulttyq ǵarysh agenttiginiń tóraǵasy Talǵat Musabaev suhbat berip, elimizdiń ǵarysh salasyna qatysty ózekti máselelermen bólisipti.
