Maık Taıson men Roı Djonstyń jekpe-jegin qazaqstandyqtar tikeleı efırden kóre alady
29 qarashada Kalıfornııadaǵy Karson qalasynda Dignity Health Sports Park arenasynda 54 jastaǵy Maık Taıson men 51 jastaǵy Roı Djons arasyndaǵy jekpe-jek ótedi. Kezdesý elorda ýaqytymen 07:50-de bastalady. Kásipqoı boksshylardyń judyryqtasý keshin «Qazaqstan» jáne «Qazsport» telearnalary tikeleı efırde kórsetedi.
Jekpe-jek formaty - 2 mınýttan 8 raýndty quraıdy. Sportshylar rıngke shlemsiz jáne 12 ýntsııa qolǵappen shyǵady.
Jeńimpaz úshin Búkilálemdik boks keńesiniń (WBC) arnaıy belbeýi tabystalady. Bul beldeý Frontline Battle Belt («Maıdan shebindegi shaıqas belbeýi») dep ataldy.
Aıta ketsek buǵan deıin Maık Taıson sharshy alańǵa oralatyny týraly suhbat bergen edi.
«Men salmaqtan aryla bastadym. Sosyn kúıeýbalam maǵan 30-40 mıllıon dollar úshin judyryqtasýǵa usynys bolyp jatqanyn jetkizdi. Ol maǵan bul adamnyń Bob Sap ekenin aıtty. Aqyry, biz onymen judyryqtasatynymyz týraly kelistik. Daıyndyq pen ózińdi qalpyna keltirý – eki túrli nárse. Ózińdi qalpyna keltirý – bul kúndelikti kıimińdi kıgenmen teń. Al burynǵy qalpyna oralý – óz janyńnyń syrtyna shyǵyp ketkenmen birdeı. Buny avtomatty túrde jasaý múmkin emes», - dep atap ótti Maık Taıson.