Maık Taıson men Roı Djons jekpe-jek aldynda salmaq ólshedi

NUR-SULTAN. QazAqparat – Álemge tanymal boks ańyzy Maık Taıson men Roı Djons aıqas aldynda salmaq ólsheýden ótti, dep habarlaıdy QazAqparat.

Taıson tarazyda 220.4 fýntty(99.97 keli), al Djons 210 fýntty (95.25 keli) kórsetti.

Buǵan deıin habarlaǵanymyzdaı, 29 qarashada Kalıfornııadaǵy Karson qalasynyń Dignity Health Sports Park arenasynda 54 jastaǵy Maık Taıson men 51 jastaǵy Roı Djons arasynda jekpe-jek ótedi.

Kezdesý elorda ýaqytymen 07:50-de bastalady.

Kásipqoı boksshylardyń judyryqtasý keshin «Qazaqstan» jáne «Qazsport» telearnalary tikeleı efırde kórsetedi.

Aıta keterligi, 15 jyldan keıin sharshy alańǵa oralǵan Maık Taısonnyń bul aıqastaǵy gonorary 10 mln dollardy qurasa, qarsylasy Roı Djons 3 mln dollar alady.