Maık Taıson men Roı Djons jekpe-jeginiń ótetin kúni belgili boldy

NUR-SULTAN. QazAqparat – Maık Taıson men kishi Roı Djonstyń jekpe-jegi 12 qyrkúıekte Kalıfornııada (AQSh) ótedi, dep habarlaıdy QazAqparat sports.kz saıtyna silteme jasap.

Jekpe-jek 8 raýnd formatynda bolady.

Sáýir aıynyń sońynda Taıson rıngige oralýǵa nıetti ekenin habarlaǵan edi. 54 jastaǵy amerıkalyqtyń esebinde 50 jeńis (44 nokaýt), 6 jeńilis bar, taǵy eki jekpe-jek ótpedi dep tanyldy. Onyń sońǵy aıqasy 2005 jyldyń 11 maýsymynda ótti. Onda amerıkalyq boksshy ırlandyq Kevın Makbraıdtan jeńilip qalǵan bolatyn.

50 jastaǵy Djons 2018 jyly sporttaǵy karerasyn aıaqtaǵan edi. Onyń qorjynynda 66 jeńis (47 nokaýt) pen 9 jeńilis bar.