Maık Taıson men Roı Djons jekpe-jegi teń nátıjemen aıaqtaldy

NUR-SULTAN. QazAqparat– 15 jyldan keıin kásipqoı rıngke qaıta oralǵan boks ańyzy Maık Taıson men tórt salmaq dárejesindegi álemniń eks-chempıony Roı Djons arasynda jekpe-jek ótti, dep habarlaıdy QazAqparat.

8 raýndqa sozylǵan jekpe-jekte Maık Taıson aıqyn basymdyq tanyta bildi. Aıqas sońyna deıin aýyr soqqylar baǵyttap, óte jaqsy fızıkalyq jaǵdaıyn kórsetti.

Al qarsylasy Roı Djons aýyr soqqylardan sátti jaltaryp, qorǵanysqa kóńil bóldi.

Qorytyndysynda eki boksshy arasyndaǵy aıqas tóreshiler sheshimimen (76-76/79-73/80-76) teń nátıjemen aıaqtaldy.

Aıta keteıik, 54 jastaǵy Maık Taıson buǵan deıin rıngke qaıta oralatynyn jarııalap, qarsylas retinde 51 jastaǵy Roı Djonsty tańdaǵan bolatyn.

Boksshylardyń jasyn eskere otyryp, aıqas óner kórsetý stılinde ótti. Sondaı-aq, ár raýnd 2 mınýtqa eseptelgen.

Jekpe-jek aıaqtalǵannan keıin Maık Taıson ózin óte jaqsy sezinetinin jáne qaıta aıqasýǵa daıyn ekenin jetkizdi.