Maık Taıson Madonnamen birigip án jazdyrdy
ASTANA. QazAqparat - Bokstan absolıýtty álem chempıony Maık Taıson Madonnamen án jazdy. Bul týraly ánshiniń Facebook-tegi resmı paraqshasynan habarlandy.
Amerıkalyq boksshy Madonna jáne Chance the Rapper laqap atymen óner kórsetetin reper Chanselor Bennettpen birge Iconic kompozıtsııasyn jazýǵa qatysty. Án Rebel Heart albomyna enedi, onyń tolyq nusqasyna 2015 jyldyń 10 naýryzynda ǵana qol jetkizýge bolady.
Ótken jyldyń jeltoqsanynda belgisiz bireýler jańa plastınkaǵa engiziletin ánderdiń kóp bóligin ǵalamtorǵa jarııalap jibergen.
Maık Taıson boks tarıhyndaǵy ataqty sportshylardyń biri. Ol Gınnestiń rekordtar kitabyna endi. Amerıkalyq sporttaǵy karerasyn (mansabyn) 2005 jyly aıaqtaǵan.
