Maık Taıson: Golovkın aty ańyzǵa aınalǵan tulǵa
ASTANA. QazAqparat - Gennadıı Golovkın amerıkandyq kishi Vıllı Monrony VI altynshy raýndta nokaýtqa jiberip, orta salmaqta sýperchempıondyq ataǵyn qorǵap qaldy. Osymen qazaqstandyq boksshy nokaýttar sany boıynsha Maık Taısonnyń rekordyn jańartty.
«Gennadıı Golovkın eshkimnen qoryqpaıdy. Bul psıhologııalyq qysym jasaý faktory. Bul sportshy jaıly málimet az. Oǵan qaramastan, Golovkın aty ańyzǵa aınalǵan tulǵa»,-deıdi Maık Taıson.
Aty ańyzǵa aınalǵan Taısonnyń osyndaı pikir aıtýy beker emes. 33 kezdesýiniń 20-syn qatarynan tehnıkalyq nokaýtpen aıaqtaǵan Golovkın áıgili Taısonnyń jeńister rekordyn jańartyp otyr. Jerlesimiz bolsa, jetken jetistigine toqmeıilsip otyrǵan joq. Kezekti kezdesýi aıaqtalmaı jatyp, keıingi qarsylasyn izdeýge kirisken. Múmkin degen úmitkerlerdiń arasynda birinshi orta salmaqtaǵy álem chempıony meksıkalyq Saýl Alvares bar. Qazir aýyzsha kelisim jasalyp qoıylǵan, dep habarlaıdy 24.kz .
