Maık Taıson Fox News arnasyna dinge qatysty suhbat berdi
ASTANA. 9 jeltoqsan. QazAqparat - Kezinde aýyr salmaqty boksshylardyń arasynda top jaryp, álem chempıony atanǵan Maık Taıson Fox News arnasynda keńinen kósilgen suhbatynda dinge qatysty qoıylǵan saýalǵa bylaı jaýap berdi: «Men musylman bolǵanym úshin taǵdyryma rızamyn.
Alla maǵan emes, men oǵan muqtajbyn. Men eshýaqytta sabyrly ári tózimdi bolǵan emespin. Bálkim, meniń boıymda «sabyr» deıtin qasıet joq ta shyǵar. Áıtse de, talaı adam men týraly basqasha oılaıdy. Alaıda, men olar oılaǵandaı sabyrly emespin. Ne nársege de bolsyn sabyrmen qaraıtyn shydamdy, momyn jan bolǵym-aq keledi. Biraq, ne shara, bul - qıynnyń qıyny. Jalpy alǵanda, momyndyq - ózińe jete mán bermeýdi bildiredi dep oılaımyn. Desem de, osy úddeden shyǵýǵa talpynyp kelemin».
2003 jyly burynǵy chempıonnyń ómiri qyl ústinde turǵan edi. Іshimdik, esirtki esin alyp, ony túrli qylmysqa shatylǵan dep aıyptady. Alaıda, erik-jigeri myqty ol ómirin túbegeıli ózgertedi. Maık Taıson «Vegastaǵy serilik» dep atalatyn kúldirgi fılmde baǵyn synap kórdi. Sonymen qatar, teledıdarda dýmandy baǵdarlamany júrgizedi. Jýyrda jaryqqa shyqqan «Kúmánsiz shyndyq» dep atalatyn ǵumyrbaıandyq kitabynda ol sporttaǵy jáne odan tys ómirinen syr shertedi, dep jazady muslim.kz.
