Maık Taıson emdik marıhýana ósirýdi qolǵa almaq - BAQ
ASTANA. QazAqparat - Bokstan burynǵy absolıýtti álem chempıony Maık Taıson marıhýana ósirip, kásip ashpaq, dep jazady TASS.
Kannabıs esirtkisi Kalıfornııa-Sıtı qalasynyń mańyndaǵy aýmaǵy 16 gektardan asatyn «Taısonnyń ranchosynda» ósiriletin bolady. Onyń ranchosynyń aýmaǵynda marıhýana ósirýdiń ádisterine úıretetin mektep pen bul ósimdiktiń dárilik qasıetterin zertteıtin ortalyq ashylýy múmkin.
Aıta keteıik, bylǵary qolǵap sheberi óziniń sporttyq mansabyn 2005 jyly aıaqtaǵan edi. Maık Taıson salmaq dárejesine qaramastan, tarıhtaǵy eń myqty boksshylardyń biri bolyp tabylady.
