Maık Pompeo: Kelissózder Qazaqstan men AQSh qarym-qatynasynyń bolashaǵy jarqyn bolatynyn kórsetti
Memlekettik hatshynyń aıtýynsha, AQSh Qazaqstannyń iskerlik dosy bolǵanyn jáne solaı bolyp qalatynyn aıtty.
«Qazaqstan Táýelsizdik alǵaly AQSh-pen ıadrolyq qarýdy taratpaý jáne ıadrolyq qaýipsizdikke qatysty suraqtar boıynsha tyǵyz jumys isteýde. 2018 jyly AQSh Prezıdenti Donald Tramp QR Tuńǵysh prezıdenti - Elbasyn qabyldady. Bizdiń kelissózder eki eldiń bolashaǵy jarqyn bolatynyn taǵy bir aıqyndap otyr. Men Memleket basshysy men QR Tuńǵysh Prezıdentimen bolatyn búgingi kezdesýdi asyǵa kútýdemin. Prezıdent Toqaev demokratııanyń ekonomıkalyq damýyn nyǵaıtýǵa baǵyttalǵan baǵdarlamalyq reformalary týraly, sondaı-aq qoǵamnyń Úkimetke degen senimin nyǵaıtý týraly baıandady. Biz bul qadamdardy qoldaımyz», - dedi Maık Pompeo.
Sondaı-aq, ol Qazaqstan qaı memlekettermen iskerlik qarym-qatynasta bolýdy kerektigi týraly tańdaý múmkindigin tolyq qoldaıtyndaryn aıtty.
«Men amerıkalyq kompanııalarmen seriktes bolý kez kelgen memleket úshin jaqsy nátıje kórsetetinine senimdimin. Bul óte jaqsy kelisimder, olar jumys oryndaryn ashady. Kelisimderdiń ashyqtyǵy jáne jumys sapasyn qamtamasyz etý - amerıkalyq júıe dál osylaı jumys isteıdi», - deıdi AQSh-tyń Memlekettik hatshysy.
