Máıittiń qasynda selfı jasaǵan 15 jasar qos qurby ómir boıyna bas bostandyǵynan aıyryldy
ASTANA. QazAqparat - Anglııadaǵy Lıds qalasynyń soty 15 jastaǵy eki jasóspirim qyzǵa 39 jastaǵy áıeldi azaptap, óltirgeni úshin ómir boıy bas bostandyǵynan aıyrý jazasyn kesti, dep habarlady Bı-bı-sı.
2014 jylǵy jeltoqsanda Anglııanyń soltústik-batysyndaǵy Hartlpýl qalasynda polıtsııa óz úıinen Andjela Raıtsonnyń múrdesin tapty.
Onyń denesine júzdegen túrli jaraqattar salynǵan, onyń 80-ge jýyǵy marqumnyń bet-júzinde bolǵan, kúdikti retinde eki jas qyz ustaldy.
Atap ótilgendeı, qaza tapqan áıel ishimdikke salynǵan. Keıde jasóspirimderge ishimdik satyp alyp beretin de bolǵan, biraq ony biletin adamdar áıeldiń momyn adam bolǵanyn aıtady.
Polıtsııanyń derekterinshe, jasóspirim qyzdar ony óltirgen kezde mas bolǵan. Olar uryp-soǵý kezinde 14 túrli zatty paıdalanǵan, onyń ishinde kúrek pen prınter de bar.
Otyrys barysynda sýdıa Anjela Raıtsondy birneshe saǵat boıy uryp-soqqanyn málimdedi. Olar tipti qurbandarymen selfı de jasaǵan.
