Máıitti jynystyq qatynas úshin qazyp alyp, sodan keıin qaıtadan kómip júrgen azǵyn qolǵa tústi
TANA. 28 qyrkúıek. QazAqparat /Marlan Jıembaı/ - Máıitti jynystyq qatynas úshin qazyp alyp, sodan keıin qaıtadan kómip júrgen azǵyn ustaldy.
Bul týraly búgin jýrnalıstermen bolǵan brıfıngte Іshki ister mınıstrligi Memlekettik til jáne aqparat departamentiniń basshysy Nurdildá Oraz málim etti.
Onyń atap ótýinshe, semeılik polıtseıler zırat qyzmetkerlerimen birlesip, 56 jastaǵy áıel adamnyń qabirin qıratqan turaqty meken-jaıy joq 50 jastaǵy er adamdy qolǵa túsirdi.
«Ustalǵan adam shilde aıynda taıaýda qaıtys bolyp, jerlengen áıeldiń máıitin jynystyq qatynas úshin qazyp alyp, sodan keıin qaıtadan kómip júrgeni anyqtaldy. Bundaı azǵyndyqqa barǵan azamat osyndaı qylmystyq áreketterin tamyz jáne qyrkúıek aılarynyń ortasynda da jasaǵan», - dedi ol.
Ustalǵan adam ýaqytsha ustaý ızolıatoryna qamaldy. Osy fakti boıynsha qylmystyq is qozǵalyp, sot-psıhıatrııalyq saraptama belgilendi.
