Maıdannan oralmaǵan qazaqstandyq jaýyngerlerdiń súıegi týystaryna tapsyryldy
Іzdestirý toptarynyń jumysynyń arqasynda habar-osharsyz ketken Qaraǵandy oblysy Qarqaraly aýdanynyń týmasy Rapyq Shámishev jáne 1942 jyly aqpanda Qorǵaljyn aýdandyq áskerı komıssarıatynan áskerge shaqyrylǵan qyzyl áskerler – Kámen Jumanov, Tolysbaı (Tólebaı) Jumabekovtyń súıekteri elge jetkizildi. Olardyń súıekteri týǵan jerdiń qoınaýyna tapsyrylatyn bolady.
– Meniń ákem Rapyq Shámishev 1912 jyly dúnıege kelgen. 1942 jyly ony Qarqaraly aýdanynyń áskerı komıssarıaty ásker qataryna shaqyrdy. Men ol kezde tórt jasta, inim ekide edi. Anamnyń aıtýynsha, áskerı komıssarıattan adamdar kelip, sol túni ákem soǵysqa attanǵan. Biz jylap qaldyq. Ony tabylǵanyn aıtqan kezde, men senbedim, shatastyrǵan bolar dep oıladym, óıtkeni kóp ýaqyt ótken edi, – dedi sarbazdyń qyzy Erkesh Shámisheva.
Sarbazdardyń súıekterin «Rjev. Kalınınskıı front-2021» atty halyqaralyq ekspedıtsııa kezinde reseılik «Pıoner» izdestirý jasaǵy tapqan. Qazaqstanǵa Áskerı-áýe kúshteriniń áskerı-transporttyq avıatsııa bortymen jetkizildi.
– Aı saıyn bizge qaza tapqan jáne habarsyz ketken sarbazdardyń týystary men jaqyndarynan on shaqty ótinishter kelip túsedi. Biz Qazaqstan men Reseıdiń izdestirý jasaqtarymen tyǵyz baılanysta bolyp, Reseı Federatsııasy aýmaǵynda tabylǵan jaýyngerlerdiń týystaryn izdeýde áskerı komıssarıattarmen jumys jasaımyz, – dedi Ulttyq áskerı-patrıottyq ortalyǵy Áskerı-tarıhı murajaıy izdestirý-ekspedıtsııalyq jasaǵynyń qyzmetkeri Ásem Qanapına.
Soǵys jyldary Qazaqstannan áskerge shaqyrylyp, iz-túzsiz joǵalǵan jaýyngerlerdi «Atamnyn Amanaty» qoǵamdyq birlestigi izdeý jumystarymen belsendi aınalysady.
– Búgingi is-shara – kóptegen adamnyń, uıymnyń, birinshi kezekte Qazaqstan jáne Reseı qorǵanys mınıstrlikteri men «Pıoner» izdestirý jasaǵynyń aýqymdy jumysynyń nátıjesi, – dedi qoǵamdyq birlestiktiń tóraǵasy Murat Moldaǵalıev.
