Maıdandyq jýrnalıstıka - qazaq jýrnalıstıkasynyń altyn paraǵy - Saǵymbaı Qozybaev
Onyń aıtýynsha, qazaq tilinde jazylǵan maıdandyq gazetter 1942 jyldyń qarasha aıynan bastap shyǵa bastaǵan. «Qazaq tilinde 20-ǵa jýyq maıdandyq, armııalyq jáne dıvızııalyq gazettermen qosa, júzdegen jaýyngerlik paraqshalar shyǵyp turdy. Materıaldar jaýyngerge jetetindeı tilmen, ashyq, qyzyqty jazylyp, naqty baǵyttalǵandyǵymen erekshe boldy. Ol kezdegi maıdandyq basylymdar jaýyngerlerdiń boıyndaǵy jaýǵa degen jekkórýshilik qasıet pen olardy jeńip shyǵýǵa degen qulshynysyn arttyrdy, óz Otanyn sheksiz súıýge tárbıeledi. Elimizden soǵysta 70-ke jýyq jýrnalıster qyzmet jasady», dedi Saǵymbaı Qozybaev. Onyń aıtýynsha, dál osy basylymdardan áskerı qazaq pýblıtsıstıkasy shyǵyp, keıinnen qataıǵan.
«Sol kezeńdegi pýblıtsıstıkanyń jarqyn kórinisin Baýbek Bulqyshevtyń shyǵarmashylyǵynan kórýge bolady. Búginde onyń shyǵarmalary pýblıtsıstıkada laıyqty oryn aldy. Baýbek - ótken soǵystyń sımvoly. Baýbek Bulqyshevpen qatar, maıdandyq jýrnalıstıkaǵa Baýyrjan Momyshuly, Qasym Qaısenov, Dmıtrıı Snegın, Málik Ǵabdýllın, Qalıjan Bekhojın syndy jazýshylar umytylmaıtyndaı iz qaldyrdy", dep atap ótti Saǵymbaı Qozybaev.
«Ókinishke oraı, bizdiń aramyzda sol shoǵyrdyń ishinen búginge jetken úsh maıdanger qalamger ǵana qaldy. Olar - Ázilhan Nurshaıyqov, Bısen Jumaǵalıev, Tóleýtaı Aqsholaqov», dep qosty óz sózine S. Qozybaev.
Uly Otan soǵysy kezinde KSRO-daǵy halyqtary tilinde jalpy sany 110 maıdandyq gazet shyqqan. Al, Orta Azııa men Qazaqstanda 42 gazet jáne jeti jýrnal basylyp turǵan. Barlyǵy 4 500 maıdanger jýrnalıster jumys istegen, onyń 200-i Orta Azııa respýblıkalarynan barǵan. Olardyń aldynda sovet jaýyngerleriniń erligin kórsetý, soǵys oqıǵalaryn jedel túrde taratý, habarlap jetkizý mindetteri qoıylǵan.
Konferentsııa jumysynda Saǵymbaı Qozybaevtyń «Soǵys sharpyǵan.Qazaq mvaıdandyq baspasózi» atty qazaq jáne orys tilinde jaryq kórgen tarıhı pýblıtsıstıkalyq eńbegi oqyrman qaýymǵa usynyldy. Onda maıdandyq jýrnalıstıkanyń belgisiz betteri týraly zertteýler jazylǵan jáne muraǵattyq fotoqujattar usynylǵan.
