AQSh-ta Boeing 767 ushaǵy apatynan bes adam qaza tapty
ASTANA. KAZINFORM – AQSh-tyń Florıda shtatyndaǵy Maıamı halyqaralyq áýejaıynda Amazon Prime Air kompanııasynyń reısin oryndaýǵa daıyndalyp jatqan Boeing 767 júk ushaǵy ushý-qoný jolaǵynan shyǵyp ketip, keminde bes adam qaza tapty, dep habarlaıdy BBC.
Taǵy birneshe adam jaraqat alyp, aýrýhanaǵa jetkizilgen. AQSh Kólik mınıstri Shon Daffıdiń aıtýynsha, oqıǵany AQSh Federaldyq azamattyq avıatsııa basqarmasy (FAA) tekserip jatyr.
– Bes adamnyń qaza tapqanyn jáne taǵy bes adamnyń jaraqat alǵanyn bilemiz, – dedi Maıamı-Deıd okrýginiń basshysy Danıella Levın-Kava oqıǵaǵa qatysty ótken baspasóz máslıhatynda.
«FAA tergeý júrgizý úshin ınspektorlaryn jiberdi», – dep jazdy Shon Daffı X áleýmettik jelisindegi paraqshasynda. Onyń aıtýynsha, Amazon kompanııasyna tıesili júk Boeing ushaǵy ushý-qoný jolaǵynan shyǵyp ketken Maıamı áýejaıynda ushyp shyǵýǵa ýaqytsha tyıym salyndy.
Mınıstr jolaýshylar uzaq ýaqytqa sozylatyn kidiristerge tap bolýy múmkin ekenin eskertti.
Buǵan deıin kýágerler ushý-qoný jolaǵynan shyǵyp ketken ushaqtan qoıý tútin shyqqanyn habarlaǵan.
Eske sala ketsek, jaqynda Atyraý áýejaıyna shuǵyl qonǵan sheteldik ushaqtyń jolaýshysy kóz jumdy.
