Maıamı týrnıriniń fınalyna shyqqanyma qýanyshtymyn – Elena Rybakına

ASTANA. QazAqparat – Maıamı týrnıriniń fınalyna shyqqan qýanyshymdy sózben jetkizý qıyn. Qazaqstannyń birinshi, álemniń 7-raketkasy Elena Rybakına jartylaı fınaldyq matchynan keıin osylaı aıtty, dep habarlaıdy QazAqparat tilshisi.

Qazaqstandyq tennısshi mundaı nátıjeni kútpegendigin jetkizdi.

«Men shynynda da qýanyshtymyn. Osylaı bolady dep kútken joqpyn. Men týrnırge kelgen kezde bári, ásirese, alǵashqy oıyndarda qıyn boldy. Sondyqtan fınalǵa shyǵamyn dep oılamap edim. Men shynynda da baqyttymyn jáne ózimmen maqtana alamyn. Meni qoldaǵan jankúıerlerimniń barlyǵyna alǵysymdy aıtamyn», dedi E.Rybakına.

Fınalda qazaqstandyq tennısshi chehııalyq Petra Kvıtova nemese rýmynııalyq Sorana Kyrstıanyń bireýimen oınaıdy.

Maıamı WTA 1000 jarysynyń sońǵy básekesi 2 sáýir, jeksenbi kúni ótedi.

Eske sala keteıik, budan buryn Elena Rybakınanyń Maıamıde jartylaı fınalda birinshi sátte qarsylasynan basym túskenin jazǵan bolatynbyz.

Sondaı-aq Elena Rybakına Maıamıde álemniń úshinshi raketkasyn jeńip, fınalǵa shyqty.

Elena Rybakına taı-breık pen eıs jóninen biregeı nátıjege qol jetkizdi.

Elena Rybakına tapqan tabysy jóninen álemde kósh basyna shyqty.