Maıamı týrnıriniń fınalısi Elena Rybakına qansha tabys tapty
ASTANA. QazAqparat – Maıamı WTA 1000 týrnıriniń fınalısi, Qazaqstannyń birinshi, álemniń 7-raketkasy Elena Rybakınanyń qansha tabys tapqany belgili boldy, dep habarlaıdy QazAqparat tilshisi.
Qazaqstandyq tennısshi osy masters jarysynda 662 myń AQSh dollary men 650 reıtıngilik upaıǵa ıe boldy.
Dúısenbi kúni jańartylatyn dúnıejúzilik reıtıngte E.Rybakına óziniń 7-ornynda qalady.
Týrnır jeńimpazy, chehııalyq Petra Kvıtova 1,2 mln AQSh dollarymen qatar 1 myń reıtıngilik upaıdy enshiledi. Ol álemdik reıtıngte 12-den 10-satyǵa kóterilip, úzdik on tennısshiniń qataryna qaıta kiredi.
OptaAce saıtynan alynǵan málimetke qaraǵanda, P.Kvıtova 33 jastan asqan shaǵynda Maıamı dodasyn utqan ekinshi tennısshi atandy. Ol ataqty amerıkalyq sportshy Serena Ýılıamstiń 2015 jylǵy nátıjesin qaıtalady.
Sondaı-aq Elena Rybakına bir jylda úsh birdeı iri jarystyń fınalyna shyqqan altynshy tennısshi atandy.
Tennısshi Jibek Qulambaeva Túrkııadaǵy jarystyń jeńimpazy atandy.
