Maıamı týrnıri: Elena Rybakına men ıÝlııa Pýtıntsevanyń qarsylastary anyqtaldy

ASTANA. KAZINFORM — 19-31 naýryz aralyǵynda ótetin Maıamı (AQSh) WTA 1000 týrnıriniń jerebesi tartyldy.

Atalmysh dodada tórtinshi raketka bolyp tirkelgen Elena Rybakına jarysty ekinshi aınalymnan bastaıdy.

Qazaqstannyń kóshbasshy tennısshisi dúnıejúzilik reıtıngide 51-orynda turǵan amerıkalyq Kerolaın Doýlhaıd nemese irikteý saıysy jeńimpazdarynyń birimen kezdesedi.

Qazaqstannyń ekinshi, álemniń 68-raketkasy ıÝlııa Pýtıntseva alǵashqy aınalymda reıtıngide 74-satydaǵy túbi – moldovalyq, Ispanııa ókili Krıstına Býchamen oınaıdy.

Ótken jyly E.Rybakına Maıamı dodasynda fınalǵa deıin jetip, chehııalyq Petra Kvıtovaǵa 6:7 (14:16), 2:6 esebimen ese jibergen edi.

ıÝ.Pýtıntseva alǵashqy aınalymnan asa almaǵan bolatyn.

Elena Rybakınaǵa ótken jylǵy upaıyn qorǵaý úshin keminde fınalǵa deıin jetýi kerek. Buǵan deıin ol densaýlyǵyna baılanysty Indıan-Ýells WTA 1000 jarysyna qatysýdan bas tartyp, 2023 jylǵy chempıondyq ataǵyn qorǵaı almaǵan edi.

Indıan-Ýellste keshe fınalda grekııalyq Marııa Sakkarıdi 6:4, 6:0 esebimen jeńgen álemniń 1-raketkasy, Polsha ókili Iga Shventek chempıon atandy.

Eske sala keteıik, budan buryn jas tennısshi Zańǵar Nurlanulynyń Horvatııadaǵy týrnırdiń fınalısi atanǵanyn jazǵan bolatynbyz.