Maıamı týrnıri: Elena Rybakına kambekpen jartylaı fınalǵa shyqty

ASTANA. KAZINFORM — Qazaqstannyń birinshi, álemniń 2-raketkasy Elena Rybakına Maıamı (AQSh) WTA 1 000 týrnıriniń jartylaı fınalyna joldama aldy. 

Qazaqstandyq tennısshi Maıamıdegi ortalyq kortta shırek fınalda álemniń 5-raketkasy, amerıkalyq, ótken jylǵy fınalıst Djessıka Pegýlamen betpe-bet keldi.

Qarsylastardyń osyǵan deıingi kezdesýlerinde esep 5:3, Rybakınanyń paıdasynda edi.

Bul joly Pegýla matchty sátti bastady — 4:0. Osy basymdylyqty set bitkenshe saqtap qaldy — 6:2.

Ekinshisinde Elena 6:3 esebimen ese qaıyrdy.

Sheshýshi, úshinshi partııada qazaqstandyq sportshy 2:0 esebimen alǵa shyqty. Aqyry matchqa dop bergende, múlt ketken joq — 6:4.

Eki saǵat 15 mınýtqa sozylǵan tartysty básekede Rybakına 15 eıspen birge 8 breık-poınttyń ekeýin óz esebine jazdy. Pegýla 7 eıs, 2 breıkpen (10 breık-poınt) kózge tústi.

Osylaısha, E.Rybakına D. Pegýlany qatarynan bes ret jeńdi.

Elena Rybakına fınalǵa shyǵý úshin álemniń 1-raketkasy, Belarýs ókili Arına Sobolenko nemese reıtıngide 45-oryndaǵy amerıkalyq Heılı Baptıstiń qaı jeńgenimen talasady. 

Eske sala keteıik, budan buryn Elena Rybakınanyń Maıamı týrnıriniń shırek fınalyna shyqqanyn jazǵan bolatynbyz.

Sondaı-aq Maıamı týrnırinde Elena Rybakınanyń álemniń besinshi raketkasyn jeńe ala ma, osy týraly da habarlandy.