Maıamı: Elena Rybakına 16 eıs jasap, 1/8 fınalǵa shyqty

MAIAMI. KAZINFORM — Qazaqstannyń birinshi, álemniń 4-raketkasy Elena Rybakına Maıamı (AQSh) WTA 1000 týrnıriniń tórtinshi aınalymyna shyqty.

Jarystyń 4-raketkasy bolyp tirkelgen qazaqstandyq tennısshi úshinshi aınalymda dúnıejúzilik reıtıngide 72-orynda turǵan amerıkalyq Teılor Taýnsendpen betpe-bet keldi.

Bul qos sportshynyń alǵashqy kezdesýi edi.

Birinshi partııada esep 4:3 bolǵan mezette Rybakına breıkke qol jetkizip, óz múmkindigin jibergen joq – 6:3.

Ekinshi sette kerisinshe esep 3:4 bolǵanda, qazaqstandyq tennısshi qarsylasynyń breık jasaýyna múmkindik berip qoıdy – 3:5. Degenmen artynsha óz qateligin túzedi – 5:5. Biraq taı-breıkte Taýnsend sátti oınady – 7:6 (7:3).

Úshinshi, sheshýshi partııada Elena 2:0 esebimen alǵa shyqqanymen, qarsylasy alysqa uzatqan joq – 2:2. Aqyry Rybakına matchty breıkpen túıindedi – 6:4.

Eki saǵat 23 mınýtqa sozylǵan tartysty báseke barysynda Rybakına 16 eıspen birge 10 breık-poınttyń tórteýin múlt jibermedi. Taýnsend 9 eıs, 2 breıkpen (7 breık-poınt) kózge tústi.

Elena Rybakına shırek fınalǵa shyǵý úshin álemniń 18-raketkasy, taǵy bir amerıkalyq Medıson Kızben talasady. Ol úshinshi aınalymda reıtıngide 43-oryndaǵy qytaılyq Sınıýı Vannyń mysyn basty – 6:4, 7:6 (7:5).

Budan buryn Indıan-Ýells WTA 1000 dodasynda M.Kızdi taǵy bir qazaqstandyq ıÝlııa Pýtıntseva ońaı utqan edi – 6:4, 6:1.

Qazaqstannyń juptyq syndaǵy birinshi, álemniń 44-raketkasy Anna Danılına Maıamıde qytaılyq Chjan Shýaımen birge alǵashqy aınalymnan asa almady. Olar jarystyń 8-raketkalary, germanııalyq Laýra Zıgemýnd – taǵy bir qytaılyq Sıýı Ifanǵa jol berdi – 6:7 (4:7), 3:6.

Eske sala keteıik, budan buryn Maıamı masters týrnırinde Býblık pen Shevchenkonyń jarys jolyn aıaqtaǵanyn jazǵan bolatynbyz.