Maı qosylǵan kofe batys jurtynyń súıikti sýsynyna aınalyp barady
ASTANA. QazAqparat - Batysta maı qosylǵan kofe jurttyń súıikti sýsynyna aınalyp keledi. Ol adamnyń kúsh-qýatyn arttyryp, aryqtaýyna da kómektesedi, dep jazady Rosbalt.
AQSh pen Brıtanııanyń iri dámhanalary maı qosylǵan kofeni mázirine engizip te úlgergen.
Bul sýsyndy salaýatty ómir saltyn nasıhattaýshy Deıv Aspreı esimdi azamat álemdi saıahattap júrip, Tıbette tatyp kórgen eken. Deıftiń aıtýynsha, osy sýsynǵa qanyp alǵan adam 6 saǵattan astam ózin qýatty sezinedi eken. Oǵan qosa, adamnyń artyq salmaqtan arylýyna da sep bolatyn kórinedi, dep jazady Meddaily.
Osy oraıda qazaqtyń shaıǵa sary maı sapyryp ishetin ádeti eriksiz oıǵa oralady. Kúni keshege deıin qart ájelerimiz shaıǵa qalampyr qosyp, maı sapyryp iship kelgeni belgili. Endi osy dástúrimiz batysta dáriptelip jatqan kórinedi.
