Maı aýdanynda ońtústikten qonys aýdarýshylarǵa 16 turǵyn úı salynady
ASTANA.QazAqparat - Pavlodar oblysynyń Maı aýdanynda Ońtústik Qazaqstan oblysynan kóship keletinderge respýblıkalyq transfert esebinen 16 turǵyn úı salynady. Bul týraly búgin óńirlik komýnıkatsııalar qyzmetinde ótken baspasóz konferentsııasynda aýdan ákimi Ardaq Qańtarbaev aıtty, dep habarlaıdy ravlodarnews.kz.
«Pavlodar oblysynyń eldi mekenderinde turǵyn úı qurylysy uzaq ýaqyt toqyrap turǵany belgili», - dedi aýdan ákimi.
Onyń aıtýynsha, bıyl 12 páterlik turǵyn úıdiń qurylysy aıaqtalýǵa taıaý. Kelesi jyly eki páterlik tórt turǵyn úı salynady. Bir jyldyń ishinde 36 baspana qoldanysqa berildi.
«Kelesi jyly 24 páterlik úı salamyz. Kolledj jataqhanasyn turǵyn úıge negizdep, kúrdeli jóndeý júrgiziledi. Jas mamandar aýylda qalý úshin barlyq jaǵdaı jasalýda»,-dedi A.Qańtarbaev.
Onyń aıtýynsha, 2017 jyly ońtústik óńirden eki otbasy qonys aýdarǵan. Otaǵasy birden veterınarlyq stantsııanyń basshysy bolyp jumysqa ornalasqan. Qonys aýdarǵan bir shańyraqqa bir rettik tólem men baspana jaldap turýǵa arendalyq tólem quny beriledi.
«Aýdanda baspana quny arzan ekenin eskeretin bolsaq, bir rettik jáne 12 aıǵa tólenetin jalǵa alý qarajatyn jınap, bir úı satyp alýǵa bolady. Bul úıdi kepildikke qoıyp, nesıe alýǵa bolatyn edi. Kelesi jyly 40 otbasyn kóshirý josparlanyp otyr. Biz olardy qabyldaýǵa daıynbyz. Bıýdjetke aqsha salynady», - deıdi aýdan ákimi.
