Maı aýdanynda maraldar paıda boldy - Pavlodar oblysy

PAVLODAR. QazAqparat -Pavlodar oblysynda sibir jáne dala elikterinen basqa qyzyl buǵynyń taǵy bir túri paıda boldy, dep habarlaıdy QazAqparat Pavlodarnews.kz saıtyna silteme jasap.

Bul týraly Pavlodar orman jáne janýarlar dúnıesin qorǵaý mekemesiniń basshysy Ajdar Júsipov aıtty.
- Maı aýdanyndaǵy alqapta ormanshylar patrýldeý kezinde analyq maral men balasyn kórdi, vıdeoda tek tóli ǵana túsip qalǵan, - dedi Ajdar Júsipov. - Sibir jáne dala elikterinen basqa endi jaıylmada maraldar da paıda boldy.

Esterińizge sala keteıik, Pavlodar oblysynda elik adamǵa kóbirek sene bastaǵan.
Sarapshylar bul koronavırýs pandemııasymen baılanysty ma ekenine qatysty suraqqa jaýap bere almady. Degenmen aımaqta sońǵy jyly sibir eligi sanynyń artqany baıqaldy.