Mavrıtanııada bir áıel 55 ret turmysqa shyqqan
ASTANA. QazAqparat - Mavrıtanııa memleketinde 55 ret turmysqa shyqqan áıel adam turady. El halqynyń basym bóligi kedeı bolǵandyǵymen qosa, bul el turmys qurmaǵan áıelderdiń kóptigimen erekshelenedi. Sondyqtan bul áıeldi joly bolǵysh dep ataýǵa bolady.
Teledıdarda sóz sóılegen 50 jastaǵy áıel óziniń eń uzaq nekesi 15 jylǵa sozylǵanyn aıtty. Qalǵan kúıeýlerimen 3 aıdan asyp bir shańyraq astynda tura almaǵan. Eń qysqasy 2 kún bolǵan, dep habarlady Mignews.
Onyń aıtýynsha, ol jubaılarymen senimsizdik pen qyzǵanysh saldarynan ajyrasyp ketip otyrǵan, tek úsheýimen ǵana ózin baqytty sezingen. Osyǵan qaramastan 55 eriniń de esimderi onyń esinde.
