Maýsymnyń jabylǵanyna qaramastan qyrǵaýyl atqandar jaýapkershilikke tartyldy - Qyzylorda
QYZYLORDA. QazAqparat -Ekologııalyq qylmystar men quqyq buzýshylyqtardy anyqtaý maqsatynda júrgizilgen jumystar barysynda birneshe fakti anyqtaldy,-dep habarlady QazAqparat HAA tilshisi oblystyq ІІD silteme jasap.
Qyzylorda OІІD Jergilikti polıtsııa qyzmeti Tabıǵatty qorǵaý polıtsııa bólimi qyzmetkerleri QR Ákimshilik quqyq buzýshylyqtar týraly kodeksiniń 382-babynyń talaptaryn buzǵan 6 azamatqa qyrǵaýyldy zańsyz aýlaǵany úshin ákimshilik hattamalar toltyryp, olardyń árqaısysyna 5 aılyq eseptik kórsetkish mólsherinde (11 345 teńge) aıyppul saldy. Aıta keteıik, búginde Qyzylorda oblysy kóleminde arnaıy lıtsenzııa arqyly qoıannan basqa ań, qus túrlerin aýlaý maýsymy jabyldy.
Sonymen qatar, QR Ákimshilik quqyq buzýshylyqtar týraly kodeksiniń 383-babymen 5 azamat múldem tyıym salynǵan qytaı aýymen balyq aýlaǵany úshin árqaısysy 10 aılyq eseptik kórsetkish (22690 teńge) kóleminde aıyppul tóleıtin boldy.
