Maýsymnyń úzdik hokkeıshisi belgili boldy
ASTANA. QazAqparat - «Qazaqstannyń úzdik hokkeıshisi» baıqaýynyń uıymdastyrýshylary dástúrli saýalnama ótkizip, maýsymnyń úzdik oıynshysyn anyqtady. Elordalyq «Barys» klýbynyń shabýylshysy Brendon Bochenskı maýsymnyń úzdik hokkeıshisi dep tanyldy.
Baıqaýdyń ótken jylǵy jeńimpazy - Ulttyq quramanyń jáne astanalyq klýbtyń shabýylshysy Roman Starchenko ekinshi oryndy ıelendi.
Al úshinshi oryn «Qaztsınk-Torpeda» komandasynyń shabýylshysy Evgenıı Rymarevqa buıyrdy.
Ulttyq quramanyń jáne «Barystyń» ortalyq shabýylshysy Nıkolaı Antropov tórtinshi orynnan kórindi.
Besinshi jáne altynshy orynda qaraǵandylyq «Saryarqa» shabýylshysy Konstantın Makarov pen «Barystyń» kanadalyq legıoneri Naıdjel Doýs.
Ári qaraı tizimde Ulttyq qurama men «Barystyń» qaqpashysy Vıtalıı Eremeev pen ortalyq shabýylshysy Dmıtrıı Ýpper tur.
Úzdik ondyqty «Barystyń» taǵy bir golkıperi, fın Arı Ahonen qorytyndylady, dep jazady kazsporttv.kz.
