Maýsymnyń sońyna deıin Májiliske 6 zań jobasy engiziledi

ASTANA. QazAqparat – QR Ádilet mınıstri Azamat Esqaraev bıylǵy zań jobalaý jumystaryndaǵy negizgi statıstıkany baıandady, dep habarlaıdy QazAqparat tilshisi.

«Bıyl zań jobalaý jumystary josparynda 27 zań jobasyn ázirleý kózdelgen, bul ótken jylmen salystyrǵanda 22%-ǵa artyq. Qazirgi tańda 8 zań jobasy Parlament Májilisiniń qaraýynda, taǵy 6 zań jobasy aıdyń sońyna deıin engiziletin bolady», - dedi mınıstr Ortalyq kommýnıkatsııalar qyzmetinde.

Azamat Esqaraevtyń aıtýynsha, birinshi jartyjyldyqta Ádilet mınıstrligi 30 memlekettik organmen birlesip, 260 zańǵa revızııa júrgizgen.

Nátıjesinde zań deńgeıinde reglamenttelgen memlekettik organdardyń 4437 fýnktsııasynyń 2218-in zańǵa táýeldi aktiler deńgeıine aýystyrý josparlanyp otyr.

Sonymen birge, Ádilet mınıstrligi 22 is boıynsha memleket múddelerin qorǵaý boıynsha is júrgizýde.

Birqatar jekelegen isterde Qazaqstannyń paıdasyna sheshimder bar.

Basqa sot isteri boıynsha talqylaý jalǵasyp jatyr.