Maýsymnyń 26-synda Halyqaralyq nashaqorlyqqa qarsy kúres kúnine arnalǵan aktsııa ótkiziledi

20-ǵasyrdyń ekinshi jartysynda esirtki tutyný kóptegen elderde ózekti problema bolyp otyr. Esirtkige táýeldi adamdar sanynyń jyldam ósýi álemdik qoǵam aldynda qatty alańdatýshylyq týǵyzyp otyr.

Bul kesepat jekelegen memleketterdiń shekarasynan baıaǵyda ótip, ult genofonyna aıtarlyqtaı zalal keltirip, búkil adamzattyń qaýipsizdigine qorqynysh bolyp otyr. Osyǵan baılanysty Birikken Ulttar uıymynyń Bas Assambleıasy 1987 jyly jeltoqsannyń 7-sinde esirtki tutynýdan azat halyqaralyq qoǵam qurýǵa BUU múshe memleketter qabyldaǵan mindetteme týraly eske túsirý retinde maýsymnyń 26-sy kúnin jyl saıyn atap ótýge qaýly etti.

Halyqaralyq nashaqorlyqqa qarsy kúres kúnin jyl saıyn atap ótý bizdiń elimizde jaqsy dástúrge aınaldy. Astana qalasynyń ákimdigi, Qazaqstan Respýblıkasy ІІM EBQKK, astanalyq ІІD jáne jastar uıymdary aktsııanyń negizgi uıymdastyrýshylary bolyp tabylady.

Іs-sharalar saǵat 10.00-den 23-00-ge deıin kúni boıy bolady.

Aktsııa baǵdarlamasyna:

Balalar sheberhanasy - balanyń ónerge janasýy (qol óner, orıgamı, skýlptýra, horeografııa, vokal, fýtbol, qummen sýret salý jáne t.b.) sharalary kiredi:

Saǵat 12.25-te Astana qalasy Ákiminiń orynbasary A.Balaevanyń, ІІM EBQKK tóraǵasy J.Súleımenovtyń, astanalyq ІІD bastyǵynyń orynbasary A.Orazálıevtiń qatysýymen «Bostandyq. Baqyt. Ómir» aktsııasynyń saltanatty ashylýy ótedi.

Kontserttik baǵdarlama - balalar tvorchestvolyq ujymdarynyń, tsırk ártisteriniń, boıshań qýyrshaqtardyń óner kórsetýi.

Buqaralyq oıyndar, baıqaýlar, vıktorınalar.

Aqysyz lotereıa -balalar syılyǵyn oınatý.

Áýe batpyraýyqtaryn ushyrý.

Saǵat 16.00-den 17.00-ge deıin - artmob - respýblıkalyq týǵa sap túzeý.

Saǵat 17.10-den 21.00-ge deıin - shoý-baǵdarlama - feshn kórsetilim, astanalyq hıttardyń, bı jobalarynyń tusaýkeseri, KTK, baıqaýlar, lotereıalar. Ot shashýdy qosý, juldyzdy aspan ottary.

Saǵat 21.00-den 23.00-ge deıin dıskoteka - ataqty dı-djeılerdyń sety, pena-patı.