Maýsymdyq vırýstar órship tur – Ajar Ǵınııat

ASTANA. QazAqparat – QR Densaýlyq saqtaý mınıstri Ajar Ǵınııat Úkimet otyrysynan keıin BAQ ókilderine eldegi epıdemıologııalyq ahýaly týraly málimet berdi, dep habarlaıdy QazAqparat tilshisi.

«Búgingi tańda búkil vırýstyq aýrýlardyń ósimi baıqalyp otyr. Onyń ishinde tumaý da bar. Maýsymdyq vırýstardyń bári bas kóterip aldy. Qazir shekteý sharalary bolmaǵandyqtan, adamdar maska kıip júrgen joq. Byltyrǵydan qaraǵanda ósim bar ekenin kórip otyrmyz. Bizde «A» jáne «V» tumaýy tirkelgen. Basqa túrleri tirkelgen joq», - dedi ol.

Mınıstrdiń sózinshe, maýsymdyq bakterıaldyq ınfektsııalar da órshı bastaǵan.

«Byltyrǵymen, pandemııaǵa deıingi kezeńmen salystyrsaq, skarlatınanyń ósimi bar. Eki jyl boıynda, negizinen balalar, bul aýrýmen aýyrǵan joq. Sondyqtan aýrýdy ótkermegen, ımmýnıneti joq býyn paıda boldy. Sondyqtan balalar arasynda aýa tamshy ınfektsııalary ósip otyr», - dedi Ajar Ǵınııat.