Maýsymdyq tumaýdyń aldyn alý sharalary qandaı
«Vırýstardyń barlyǵy negizinen aýa-tamshy joldary arqyly taralady. Onyń aldyn alý sharalaryna gıgıena saqtaý, salaýatty ómir saltyn ustaný, durys tamaqtaný jatady. Kóshede, qoǵamdyq kólikterde jáne basqa jerlerde maska kıińiz, ony 2-3 saǵat saıyn aýystyryp otyryńyz. Sonymen qatar, bólmeni jıi jeldetip, aýany ylǵaldandyrý qajet. Túski ýaqytta taza aýada serýendeýge shyqqan óte paıdaly. Muryndy jáne aýyz qýysyn tuzdy eritindimen shaıyp, sý, tátti emes shyryndar men shaıdy kóbirek ishken jón. Al ózińizdi qorǵaýdyń eń senimdi ádisi – tumaýǵa qarsy ekpe saldyrý. Vaktsına jasasańyz, boıyńyzda vırýsqa qarsy antıdeneler paıda bolady. Tumaýǵa qarsy maýsymdyq vaktsınalardy óndirýshiler jyl saıyn DDU usynysy boıynsha ekpeniń quramyn ózgertip, maýsymdyq tumaýdyń mýtatsııalyq túrine beıimdeıdi. Ekpeni dári-dármekke allergııasy bar adamdardan basqalarynyń barlyǵy alǵan jón. Kishkentaı balalar, sozylmaly aýrýy bar azamattar, qarttar men júkti áıelder vaktsınatsııa jasaýy qajet», - dedi QR DSM Qoǵamdyq densaýlyq saqtaý ulttyq ortalyǵy juqpaly aýrýlardyń aldyn alý departamentiniń dırektory Jumabek Bekenov.
Eske sala keteıik, bıyl tumaýǵa qarsy vaktsına 10 qyrkúıek pen 10 qarasha aralyǵynda júrgiziledi.
