Maýsymda jumyssyzdar sany 468 myń adamdy qamtydy
ASTANA. 11 shilde. QazAqparat - 2013 jylǵy mamyrda halyqtyń ortasha jan basyna shaqqandaǵy ataýly aqshalaı tabystary baǵalaý boıynsha 54 343 teńgeni qurady, bul 2012 jylǵy mamyrǵa qaraǵanda 8 paıyzǵa joǵary. Al naqty aqshalaı tabys kórsetilgen kezeńde 2 paıyzǵa joǵarylady. Bul týraly búgin Astanada ótken brıfıngte QR Statıstıka agenttiginiń tóraǵasy Álıhan Smaıylov málim etti.
2013 jylǵy maýsymda qyzmetkerlerge eseptelgen ortasha aılyq ataýly jalaqy (aldyn ala derekter) 109 962 teńgeni qurap, 2012 jylǵy maýsymǵa qaraǵanda 4,8 paıyzǵa ósti. Naqty jalaqy ındeksi (aldyn ala derekter) 2012 jylǵy maýsymǵa 99 paıyzdy qurady.
- «Bıylǵy maýsymda jumyssyzdar sany baǵalaý boıynsha 468 myń adamdy qurady. Jumyssyzdyq deńgeıi ekonomıkalyq belsendi halyq sanynyń 5,2% paıyzyn qurady. Jumyspen qamtý organdarynda jumyssyzdar retinde tirkelgender sany 2013 jylǵy maýsymnyń sońyna 58,9 myń adamdy qamtydy nemese ekonomıkalyq belsendi halyq sanynyń 0,7 paıyzy. Jasyryn jumyssyzdyq deńgeıi baǵalaý boıynsha ekonomıkalyq belsendi halyq sanynyń 0,4 paıyzyn qurady», - delingen agenttik málimetinde.
