Maýsymda qazaqstandyqtar neshe kún demalady
NUR-SULTAN. QazAqparat – Qazaqstandyqtardyń maýsym aıynda neshe kún demalatyny belgili boldy, dep habarlaıdy QazAqparat.
Maýsym aıynda Qazaqstanda memlekettik merekeler joq. Sondyqtan tek aptanyń demalys kúnderi ǵana tynyǵatyn bolady. Atap aıtsaq, senbi jáne jeksenbi kúnderi aıdyń 5, 6, 12, 13, 19, 20, 26 jáne 27 kúnderine dóp keledi. Osylaısha barlyq demalatyn kúnder sany – 8 bolyp otyr.
1 maýsym - Halyqaralyq balalardy qorǵaý kúni seısenbige sáıkes keledi. Degenmen, maýsym aıynda memlekettik bolmasa da, birqatar kásibı mereke men mańyzdy kúnder atap ótiledi.
Mysaly, 4 maýsym – QR Memlekettik rámizderi kúni, 5 maýsym – Ekolog kúni, 7 maýsym – monopolııaǵa qarsy organ qyzmetkerleriniń kúni, 23 maýsym – polıtsııa kúni.
Maýsymnyń ekinshi jeksenbisinde jeńil ónerkásip qyzmetkerleri, al úshinshi jeksenbisinde medıtsına qyzmetkerleri kásibı merekelerin atap ótedi.
Sondaı-aq, 28 maýsym – Qazaqstanda buqaralyq aqparat quraldary qyzmetkerleriniń kúni.
