Maýsymda bir qyzmetkerdiń ortasha aılyq jalaqysy qansha boldy
ASTANA. QazAqparat - 2018 jylǵy mamyrda halyqtyń orta eseppen jan basyna shaqqandaǵy ataýly aqshalaı tabystary 84206 teńgeni qurady, dep habarlaıdy QazAqparat tilshisi.
«2018 jylǵy mamyrda halyqtyń orta eseppen jan basyna shaqqandaǵy ataýly aqshalaı tabystary baǵalaý boıynsha 84206 teńgeni qurady. bul 2017 jylǵy mamyrǵa qaraǵanda 5,1 paıyzǵa joǵary, al naqty aqshalaı tabys kórsetilgen kezeńde 1,1 paıyzǵa tómendedi», - delingen QR UEM Statıstıka komıteti taratqan aqparatta.
Vedomstvo málimetinshe, 2018 jylǵy maýsymda bir qyzmetkerdiń ortasha aılyq ataýly jalaqysy baǵalaý boıynsha 163604 teńge boldy.
Al 2018 jylǵy maýsymda jumyssyzdar sany baǵalaý boıynsha 434,4 myń adamdy qurady. Jumyssyzdyq deńgeıi jumys kúshi sanynyń 4,8 paıyzyna teń. Jumyspen qamtý organdarynda jumyssyzdar retinde tirkelgender sany 2018 jylǵy maýsymnyń sońynda 149,5 myń adamdy nemese jumys kúshiniń 1,7 paıyzyn qurady.
