Maýsymda azyq-túlik taýarlary 4,5 paıyzǵa ósti - Statıstıka
ASTANA. 1 shilde. QazAqparat - 2013 jylǵy maýsymda azyq-túlik taýarlarynyń baǵasy ótken jylǵy maýsymmen salystyrǵanda 4,5 paıyzǵa ósti, dep habarlady QR Statıstıka agenttiginiń baspasóz qyzmetinen.
«2013 jylǵy maýsymda 2012 jylǵy tıisti aımen salystyrǵanda baǵa unǵa 16,3, jemister men kókónisterge - 12,4, makaron ónimderine - 11,5, toqash jáne un ónimderine - 5, balyq jáne teńiz ónimderine - 4,6, kofe, shaı jáne kakaoǵa - 4,4, maı jáne toń maıǵa - 4,1, alkogoldi ishimdikterge - 4, sút ónimderine - 3,9, kondıterlik ónimderge - 3,2, nanǵa - 1,7 paıyzǵa ósti. Baǵanyń tómendeýi jarmalarǵa 10,4, qantqa - 6,6 paıyzǵa baıqaldy», - delingen habarlamada.
Vedomstvonyń aqparatyna qaraǵanda, atalǵan kezeńde et jáne et ónimderi baǵasynyń ósimi 3,3 paıyz qurady. Qoı etine baǵa deńgeıi 4,4, shujyq ónimderine - 4,2, jylqy etine - 3,9, shoshqa etine - 3,2 paıyzǵa, sıyr etine, qus etine 2,6 paıyzdan joǵary boldy.
