Maýsymda 8,6 mln. adam jumyspen qamtyldy - Statıstıka

ASTANA. 13 shilde. QazAqparat - 2012 jylǵy maýsymda baǵalaý boıynsha respýblıka ekonomıkasynda 8,6 mln. adam jumyspen qamtyldy, dep habarlady  QR Statıstıka agenttiginiń baspasóz qyzmetinen.

Vedomstvonyń aqparatyna sáıkes, ótken jylǵy sáıkes kezeńge qaraǵanda olardyń sany 337,1 myń adamǵa nemese 4,1 paıyzǵa kóbeıgen. Jaldamaly qyzmetkerlerdiń sany atalǵan kezeńde 5,8 mln. adamdy (jumyspen qamtylǵandardyń jalpy sanynyń 68,1 paıyzyn) qurady.

2012 jylǵy maýsymda jumyssyzdar sany, baǵalaý boıynsha, 470,6 myń adamdy, jumyssyzdyq deńgeıi 5,2 paıyzdy qurady. QR Eńbek jáne halyqty áleýmettik qorǵaý mınıstrliginiń jumyspen qamtý organdarynda 2012 jylǵy maýsym aıynyń sońyna 60,8 myń adam («Jumyspen qamtý baǵdarlamasy-2020» qatysatyndar quramyna engizilgen tulǵalardyń esebinsiz) resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 0,7 paıyzyn quraıdy (2011 j. maýsymda - 0,7paıyz).