Maýsymda 76,6 myń adam jumysqa qabyldanyp, 73,7 myń adam óz erkimen qyzmetimen qosh aıtysty - Statıstıka
ASTANA. 13 shilde. QazAqparat - Maýsymda 76,6 myń adam jumysqa qabyldanyp, 73,7 myń adam óz erkimen qyzmetimen qosh aıtysty, dep habarlady QR Statıstıka agenttiginiń baspasóz qyzmetinen.
«Jedel derekterge sáıkes, iri jáne orta kásiporyndarǵa jáne uıymdarǵa 2012 jylǵy maýsymda 76,6 myń adam qabyldandy, túrli sebeptermen - 73,7 myń adam jumystan ketti. Jumystan ketken qyzmetkerlerdiń arasynda óz erki boıynsha jumystan bosatylǵandar 82,2, qyzmetkerler sanynyń qysqarýyna baılanysty bosatylǵandar-2,4, basqa sebepter boıynsha bosatylǵandar 15,4 paıyzdy quraıdy», - delingen habarlamada.
Vedomstvonyń atap ótýinshe, 2012 jylǵy maýsym aıynda jumysqa qabyldaý boıynsha aınalym koeffıtsıenti 2,4, jumystan bosatý boıynsha aınalym - 2,3, al jumys kúshiniń turaqsyzdyq koeffıtsıenti - 2,0 paıyz bolǵan. Osy kezeńde jumys kúshin aýystyrý koeffıtsıenti 104,0 paıyzdy qurady.
