Maýsym-shilde aılarynda Astana, Almaty jáne elimizdiń 5 óńirinde 740 arendalyq páter beriledi - Q.Bıshimbaev

ASTANA. QazAqparat - Aǵymdaǵy jyldyń naýryz aıynda Memleket basshysy Nursultan Nazarbaevtyń «Nurly jol - bolashaqqa bastar jol» atty Qazaqstan halqyna Joldaýynan bastaý alǵan áleýmettik arendalyq baspana baǵdarlamasyna qatysýshylar arasynda Astana, Almaty, Qostanaı, Semeı jáne Kókshetaý qalalarynda 1357 arendalyq páterdi bólý bastaldy.

Tolyqtaı alǵanda, atalǵan páterler boıynsha 2330 joldama berilip, 1444 qatysýshy tólem qabiletin rastady jáne jergilikti atqarýshy organdardyń turǵyn úı komıssııasy 1181 qatysýshynyń tólem qabiletin qýattady. Bul týraly búgin «Nur Otan» partııasy fraktsııasy komıssııasynyń bıýdjet qarjysyn tıimdi paıdalaný máselesine arnalǵan otyrysynda atalǵan holdıngtiń basqarma tóraǵasy Qýandyq Bıshimbaev málim etti.

Holdıng baspasóz qyzmeti taratqan aqparatqa sáıkes, sáýir-mamyr aıynda qosymsha Shymkent, Aqtóbe, Pavlodar qalalarynda 1122 páterdi bólý bastaldy. Qazirgi sátte jergilikti atqarýshy organdardan 660 joldama berilip, 423 qatysýshy tólem qabileti bar ekendigin dáleldedi jáne jergilikti atqarýshy organdardyń turǵyn úı komıssııasy 95 adamnyń tólem qabiletin rastady.

«Maýsym-shilde aılarynda Astana, Almaty, Taraz, Aqtóbe, Qostanaı, Pavlodar jáne Almaty oblysynda 740 páterdi bólý bastalady», - dedi holdıng basshysy Q.Bıshimbaev.