Maýsym aıynyń sońyna deıin tsıfrlyq teńgege qatysty tıisti ádisteme jarııalanady
NUR-SULTAN. QazAqparat – QR Ulttyq bankiniń tóraǵasy Ǵalymjan Pirmatov elimizde «tsıfrlyq teńgeni» engizýge qatysty túsinik berdi, dep habarlaıdy QazAqparat tilshisi.
«Bastapqyda bizdiń jospar boıynsha osy jyldyń ortasyna deıin ádistemeni qabyldaý eskerilgen edi. Osy oraıda tsıfrlyq teńgege qatysty bıyldyń sońyna deıin sheshim qabyldaımyz. Sondyqtan tsırflyq teńgeni engizý merzimin keıinge shegerý máselesi qaralyp otyrǵan joq. Josparǵa sáıkes maýsym aıynyń sońyna deıin tıisti ádistemeni jarııalaımyz. Al jyl sońyna deıin osy ádisteme boıynsha tsıfrlyq teńgeni engizý týraly sheshim qabyldaımyz», - dedi Ǵ.Pirmatov elordada ótken baspasóz máslıhatynda.
Buǵan deıin habarlanǵandaı, Memleket basshysy tsıfrlyq teńge engizý máselesin qarastyrǵan jón ekendigin aıtqan edi.
Búgingi baspasóz máslıhatynda Ulttyq bank tóraǵasy bazalyq mólsherlemeni 14 paıyz deńgeıinde saqtaýǵa qatysty pikir bildirdi.
Jyldyq mánde ınflıatsııa mamyrda 14 paıyzǵa jetti.
Sonymen qatar Ǵ. Pirmatov osy jyldyń qorytyndysy boıynsha ınflıatsııany 13-15 paıyz deńgeıinde bolýy múmkin ekenin aıtty.
