Maýsym aıyndaǵy qazaqstandyq úzdik 10 kásipqoı boksshy anyqtaldy
ASTANA. QazAqparat - Boxrec.com saıty maýsym aıynyń qorytyndysy boıynsha úzdik qazaqstandyq boksshylar tizimin jańartty, dep habarlaıdy QazAqparat Sports.kz saıtyna silteme jasap.
Mamyrdaǵy tizimdegideı, Jánibek Álimhanuly 4-shi orynda tur. Onyń aldyndaǵy úzdik úshtik mynandaı: Gennadıı Golovkın (42-2-1, 37 KO), Meıirim Nursultanov (19-0, 11 KO) jáne Sergeı Lıpınets (17-2-1, 13 KO).
Maýsym aıyndaǵy úzdik 10 boksshy tizimi jańarǵanda mynandaı ózgeris endi: Rýslan Madıev (15-2, 6 KO) pen Janqosh Turarov (27-0, 20 KO) oryn almasty, endi Rýslan 7-shi orynda, Janqosh 8-shi orynda tur.
Sondaı-aq, 9-shy orynǵa Evgenıı Pavlov (10-0, 8 KO) kóterilip, Batyr Júkembaev (20-1, 16 KO) 10-shy orynǵa yǵysty.
Sonymen, jańa úzdik 10-dyq bylaısha túzilgen:
1. Gennadıı Golovkın (42-2-1, 37 KO)
2. Meıirim Nursultanov (19-0, 11 KO)
3. Sergeı Lıpınets (17-2-1, 13 KO)
4. Jánibek Álimhanuly (14-0, 9 KO)
5. Bekman Soılybaev (16-1, 7 KO)
6. Alı Ahmedov (19-1, 14 KO)
7. Rýslan Madıev (15-2, 6 KO)
8. Janqosh Turarov (27-0, 20 KO)
9. Evgenıı Pavlov (10-0, 8 KO)
10. Batyr Júkembaev (20-1, 16 KO).
