Maýsym aıyndaǵy aptap ystyq maldy jutatpaı ma– mınıstr jaýaby
«Maýsym aıynda temperatýra óte joǵary boldy – osy kezeńdegi ortasha jyldyq normadan asyp ketti. Degenmen de «Qazgıdromet» boljamy boıynsha, astyqty óńirlerde jaýyn-shashyn bolady dep kútip otyrmyz. Bıyl kóktemgi egis jumystaryn ýaqytymen oryndadyq, odan keıingi kezeńde topyraqtyń ylǵaly jaqsy boldy. Egis naýqany týraly osyny aıtýǵa bolady», - dedi ol búgin Senattaǵy Úkimet saǵatynan keıin tilshilerge.
Sondaı-aq vedomstvo basshysy mal azyǵyn daıyndaý naýqanyna toqtaldy.
«Jaıylym men jemshóp máselesine kelsek, 2021 jyldyń jazy bárimizdiń esimizde. Ásirese batys óńirlerde shynymen, problema bolǵan edi. Sony eskerip, jem óndirisiniń Jol kartasyn ázirlegenbiz. Byltyr sonyń aıasynda jemshóp alqabyn 100 myń gektarǵa ulǵaıtyp, 300 myń tonna ónim artyq aldyq. Sonyń esebinen bıylǵa 235 myń tonna jemshóp qoryn qalyptastyrǵanbyz. Qajet bolsa, sol qordy paıdalanamyz. Odan bólek búkil óńirde 11,6 mlrd teńge kóleminde jemshóp sýbsıdııasy qarastyrylǵan. Sonymen birge jemshóp daıyndaýshylarǵa da arzandatylǵan dızel bólý bastamasyn kóterdik», - dedi mınıstr.
