Maýsym aıynda ınflıatsııanyń jyldyq kórsetkishi 6,8 paıyzdy qurady
ALMATY. Shildeniń 14-i. QazAqparat /Erlik Erjanuly/ - Alǵashqy jartyjyldyqtyń qorytyndylary boıynsha ınflıatsııa kórsetkishi 4,4 paıyz boldy.
Bul týraly Ulttyq bank tóraǵasynyń búgin Almatyda ótkizgen baspasóz máslıhatynda aıtyldy.
Statıstıka agenttiginiń resmı derekteri boıynsha ınflıatsııa maýsymda 0,2 paıyzdy qurady. Ótken jyldyń sáıkes kezeńinde bul 0,4 paıyz bolǵan edi. Ekinshi toqsannyń sońǵy aıynda baǵa azyq-túlik taýarlary - 0,1 paıyz, azyq-túlikke jatpaıtyn taýarlar - 0,5 paıyz, aqyly qyzmet kórsetý 0,1 paıyz ósti. 2009 jyldyń maýsymynda ol azyq-túlikte - 0,2 paıyz, azyq-túlikke jatpaıtyn taýarlarda - 0,6 paıyz, aqyly qyzmet kórsetýde 0,4 paıyzdy quraǵan. Bas bankırdiń aıtýynsha, alǵashqy jartyjyldyqtaǵy syrtqy saýda men tólem balansynyń qorytyndysy tamyz aıynda belgili bolady. Jalpy ahýal turaqty, aıtarlyqtaı ózgerister joq. Bıyl alǵashqy jartyjyldyqta ınflıatsııa 4,4 paıyz boldy, ótken jyly ol 3,9 paıyzdy quraǵan. Qańtar-maýsymda ınflıatsııanyń jedel qarqyndaýy azyq-túlik taýarlary men aqyly qyzmet kórsetýdiń birshama qymbattaýyna sebepshi boldy. Bul kezeńde azyq-túlik - 5,6 paıyz, azyq-túlikke jatpaıtyn taýar - 2,7 paıyz, aqyly qyzmet 4,6 paıyzǵa ósti. Maýsymnyń qorytyndylary boıynsha ol jyldyq kórsetýde - 5,1; 6,3 jáne 9,7 paıyzdy qurady.
