Maýsym aıynda gazben jabdyqtaý men janar-jaǵarmaıǵa tarıfter kóterilmeıdi

Bul týraly búgin Astanada ótken brıfıngte QR Tabıǵı monopolııalardy retteý agenttigi tóraǵasynyń orynbasary Amanjol Alpysbaev málim etti.

«Aǵymdaǵy jylǵy maýsym aıynda jylýmen, gazben jabdyqtaý sııaqty rettelip kórsetiletin kommýnaldyq qyzmetterge jáne janar-jaǵarmaıǵa tarıfter kóterilmeıdi»,-dep atap ótti A. Alpysbaev.

Onyń sózine qaraǵanda, budan bólek Mańǵystaý oblysyn qospaǵanda Qazaqstan boıynsha bıylǵy maýsym aıynda elektr energııasynyń baǵalary ózgermeıdi. «MAEK-QazAtomÓnerkásip» JShS stansasynyń tarıfi Aqtaý qalasy boıynsha 2,85-ten 3,19 teńge/kVt saǵat jáne oblys boıynsha 2,26-dan 2,80 teńge/kVt saǵatqa deıin kóterilýine baılanysty atalǵan óńirde elektr energııasynyń baǵasy Aqtaý qalasynyń turǵyndary úshin 0,34 tıyn/kVt saǵatqa, al oblys turǵyndary úshin 0,54 tıyn/ kVt saǵatqa ósedi»,-dedi tóraǵa orynbasary.

Sóz sońynda ol «MAEK-QazAtomÓnerkásip» JShS stansasynyń tarıfi 2006 jyldan beri kóterilmegendigin jetkizdi.