Maýsym aıynda elordaǵa jaýyn-shashynnyń úsh aılyq normasy jaýdy
NUR-SULTAN. QazAqparat - Maýsym aıynda elordaǵa jaýyn-shashynnyń úsh aılyq normasy jaýdy. Bul týraly Nur-Sultan qalalyq ákimdiginiń Facebook paraqshasynda jarııalanǵan aqparatta aıtylǵan, dep habarlaıdy QazAqparat tilshisi.
«Maýsymnyń 1-i men 27-si aralyǵynda elordaǵa 96 mm jańbyr jaýdy. Bul úsh aılyq normamen para-par. Al keshe, 27 maýsymda 1 táýliktiń úshinde 39 mm jaýyn jaýdy. Al bir aılyq norma 37 mm quraıdy», - delingen taratylǵan aqparatta.
«Qazgıdromet» málimetinshe, shilde aıynda elordada +23+33 gradýs ystyq bolady. Degenmen, aı boıy qysqa ýaqytqa kún salqyndap otyrady. Jańbyr jaýyp, uıytqyp jel soǵady. Túnde +7+12, al kúndiz +17+23 gradýsqa deıin aýa temperatýrasy tómendeıdi.
Aıta keteıik, keshe elordada qatty jaýyn jaýyp, qalanyń birqatar kóshesin sý basqan edi.
