Maýsym aıynda elimizdegi jumyssyzdyq 5,3 paıyzdy qurady
ASTANA. 12 shilde. QazAqparat /Qanat Mámetqazyuly/ - Aǵymdaǵy jylǵy maýsym aıynda elimizdegi jumyssyzdar sany 461,2 myń adamdy qurady. Jumyssyzdyq deńgeıi 5,3 paıyz shamasynda.
Statıstıka agenttiginiń málimetinshe, respýblıka ekonomıkasynda 2011 jylǵy maýsymda 8,2 mln. adam jumyspen qamtylǵan. Ótken jylǵy uqsas kezeńge qaraǵanda olardyń sany 50,7 myń adamǵa nemese 0,6 paıyzǵa artqan. Sonymen qatar, jaldamaly qyzmetkerlerdiń sany atalǵan kezeńde 5,5 mln. adamdy (jumyspen qamtylǵandardyń jalpy sanynan 67,2 paıyzy) qurady. Qazaqstan Respýblıkasy Eńbek jáne halyqty áleýmettik qorǵaý mınıstrliginiń jumyspen qamtý organdarynda 2011 jylǵy maýsym aıynyń sońyna deıin 57,4 myń adam resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 0,7 paıyzyn qurady. Budan bólek, 2011 jylǵy maýsymda baǵalaý boıynsha jasyryn jumyssyzdyq deńgeıi ekonomıkalyq turǵydan belsendi halyqtyń 0,4 paıyzyn quraǵan.
