Maýsym aıynda elimizdegi kásiporyndar men uıymdarǵa 81,4 myń adam jumysqa ornalasqan
Sondaı-aq, túrli sebeptermen 81,8 myń adam jumystan ketti. Bul týraly Statıstıka agenttiginiń baspasóz qyzmetinen habarlandy.
Agenttik málimetterine qaraǵanda, jumystan ketken qyzmetkerlerdiń arasynda turaqtamaý sebepteri boıynsha jumystan bosatylǵandar 84,9 paıyzdy, qyzmetkerler sanynyń qysqartylýyna nemese kásiporynnyń taratylýyna baılanysty ketkender – 1,7 paıyzdy, basqa sebepter boıynsha bosaǵandar 13,4 paıyzdy quraıdy.
«Aǵymdaǵy jylǵy maýsymda jumysqa qabyldaý boıynsha aınalym koeffıtsıenty 2,5 paıyz, jumystan bosatý boıynsha aınalym – 2,5 paıyzdy qurady, al jumys kúshiniń turaqsyzdyq koeffıtsıenti – 2,1 paıyz bolyp otyr. Sonymen qatar, osy kezeńde jumys kúshin aýystyrý koeffıtsıenti 99,5 paıyzdy quraǵan», - delingen baspasóz baıanynda.