Maýsym aıynda el kásiporyndaryna 74,3 myń adam jumysqa qabyldanyp, túrli sebeppen 72,6 myń adam jumystan ketken
ASTANA. 12 shilde. QazAqparat /Qanat Mámetqazyuly/ - Statıstıka agenttiginiń taratqan jedel derekterine sáıkes, Qazaqstannyń iri jáne orta kásiporyndaryna jáne uıymdaryna 2011 jylǵy maýsymda 74,3 myń adam qabyldandy, túrli sebeptermen - 72,6 myń adam jumystan ketti.
Jumystan ketken qyzmetkerlerdiń arasynda óz erki boıynsha jumystan bosatylǵandar 78,7 paıyzdy quraıdy. Al kásiporyndardaǵy qyzmetkerler sanynyń qysqarýyna baılanysty jumysynan bosaǵandar sany 2,6 paıyz deńgeıinde bolsa, basqa sebepter boıynsha bosatylǵandar 18,7 paıyz shamasynda bolyp otyr. Sonymen qatar, agenttiktiń málimetinshe, 2011 jylǵy maýsym aıynda qabyldaý boıynsha aınalym koeffıtsıenti 2,4 paıyz deńgeıinde bolǵan. Bul rette jumystan bosatý boıynsha aınalym - 2,4 paıyz, jumys kúshiniń turaqsyzdyq koeffıtsıenti - 1,9 paıyzdy qurady. Esepti kezeńge jumys kúshin aýystyrý koeffıtsıenti 102,4 paıyz shamasynda turaqtaǵan.
