Maýsym aıynda eksporttalatyn taýarlarǵa baǵa 9,9 paıyzǵa joǵarylap, ımporttalatyn taýarlarǵa 0,5 paıyzǵa tómendedi
ASTANA. 12 tamyz. QazAqparat - 2011 jylǵy maýsym aıynda mamyrmen salystyrǵanda eksporttalatyn taýarlarǵa baǵa 9,9 paıyzǵa joǵarylap,
ımporttalatyn taýarlarǵa 0,5 paıyzǵa tómendedi. Bul aqparatty QR Statıstıka agenttiginiń baspasóz qyzmeti taratyp otyr.
Vedomstvonyń atap ótýinshe, eksporttyq jetkizilimderge bir aıǵa baǵa joǵarylaýy munaıǵa - 9, alıýmınııge - 2,5, suıytylǵan propan-býtanǵa - 2,4, munaı ónimderine - 2,1 paıyzǵa, al olardyń tómendeýi mysqa - 2,7, qara metall ılegine - 2,5, qorǵasynǵa - 1, ferroqorytpalarǵa 0,9 paıyzǵa tirkeldi. Baǵa maqtaǵa - 4,5, bıdaıǵa - 3,6 paıyzǵa joǵarylady, júnge 2,2 paıyzǵa tómendedi.
Importtyq túsimderden kúrish - 11,5, temeki - 4,5, shaı - 3,6, syrlar men laktar - 2,3, kofe - 1,5, aıaqkıim 1 paıyzǵa arzandady, qus eti - 5,9, ósimdik maıy - 3,8, balyq - 3, qant 1,8 paıyzǵa qymbattady.
