Maýsym aıynda «Baıqońyr» ǵarysh aılaǵynan eki ushyrylym jasalady - Roskosmos

BAIQOŃYR. 31 mamyr. QazAqparat - Reseı federaldyq ǵarysh agenttiginiń ǵarysh apparattaryn (ǴA) ushyrýdyń 2013 jylǵa arnalǵan josparyna sáıkes, maýsym aıynda «Baıqońyr» ǵarysh aılaǵynan eki ushyrylymdy jasaý kózdeledi.

Bul týraly Roskosmostyń baspasóz qyzmetinen habarlady.

«Brız-M» údetkish blogy bar «Proton-M» ǵaryshtyq maqsattaǵy alǵashqy zymyrannyń ushyrylymy «SES-6» baılanys ǵarysh apparatyn orbıtaǵa shyǵarýǵa arnalǵan.

Sonymen qatar maýsym aıynda «Soıýz-2.1b» zymyran-tasyǵyshynyń kómegimen júzege asyrylatyn «Resýrs - P» jerdi qashyqtan zondtaý ǵarysh apparatynyń ushyrylymy bolady.

Roskosmos baspasóz qyzmetiniń málimetinshe, keshe 30 mamyr kúni «Brız-M» údetkish blogy jáne «SES-6» ǵarysh apparaty bar «Proton-M» «Baıqońyr» ǵarysh aılaǵynyń № 200 keshenine shyǵarylyp, ornatyldy. Ushyrylym bıylǵy maýsym aıynyń basyna josparlanyp otyr.